प्रा. आ. केंद्र उपकेंद्र स्तरावरील नोंदवहया Subcenter PHC Registers in Marathi

प्राथमिक आरोग्य केंद्र व उपकेंद्र स्तरावरील अहवाल व नोंदवहया Subcenter PHC Registers in Marathi यांची सर्व माहिती खालील लेखात दिलेली आहे.

अहवाल म्हणजे काय ?

आरोग्यविषयक केलेल्या कामाचे विशिष्ट पध्दतीने व विशिष्ट नमुन्यात वरिष्ठांना सादर करावयाच्या माहिती पत्रास अहवाल असे म्हणतात .

नोंदवही म्हणजे काय ?

कार्यक्षेत्रात केलेल्या आरोग्यविषयक कामांची माहिती विहित नमुन्यात संकलित करुन पुस्तकाच्या रुपात संचयित करणे म्हणजे नोंदवही होय .

नोंदवहीची उपयुक्तता ( महत्व )

1. दैनंदिनी आरोग्य कामाची अहवालामध्ये केलेली नोंद संचयित करण्याकरिता .
2. मासिक / त्रैमासिक / वार्षिक अहवाल तयार करण्याकरिता .
3. आरोग्यविषयक कामाचा पाठपुरावा करण्याकरिता .
4. आरोग्य कार्यक्रमाचे नियोजन करण्याकरिता ,
5. आरोग्य कार्यक्रमाचे मूल्यमापन करण्याकरिता .
6. आरोग्य कर्मचाऱ्याने केलेल्या कामाची तपासणी किंवा पडताळणी करण्याकरिता प्राथमिक आरोग्य केंद्र / उपकेंद्रावर खालील प्रकारचा अहवाल व नोंदवहया असाव्यात .

प्राथमिक आरोग्य केंद्र व उपकेंद्र स्तरावरील अहवाल व नोंदवहया:-

प्राथमिक आरोग्य केंद्र व उपकेंद्र स्तरावरील अहवाल व नोंदवहया, Subcenter Registers in Marathi, PHC Registers in Marathi

उपकेंद्र व प्रा.आ.केंद्रातील इतर नोंदवहया

1. साठा नोंदवही :-
   • ही नोंदवही प्राथमिक आरोग्य केंद्र व उपकेंद्रस्तरावर ठेवणे आवश्यक असून यात वस्तूंचे सविस्तर विवरण व अंतिम विल्हेवाट याबद्दल माहिती नोंदविली जाते .
2. अंधत्व नोंदवही :-
   • ( अ ) जीवनसत्व – अ वाटप नोंदवही ,
   • ( ब ) मोतीबिंदू असणाऱ्या व्यक्तींची यादी असलेली नोंदवही .
3. क्षयरोग कामाची नोंदवही :-
   • ( अ ) संशयीत रुग्ण थुकी नमुना नोंदवही ,
   • ( ब ) नियमित उपचार घेणाऱ्या रुग्णांची नोंदवही ,
   • ( क ) रुग्ण उपचार कार्ड
   • ( ड ) औषधी साठा नोंदवही
4. कुष्टरोग नोंदवही :-
   • ( अ ) नवीन कुष्ठरुग्णांची यादी व
   • ( ब ) नियमित उपचार घेणाऱ्या रुग्णांची नोंदवही .
   • ( क ) संशयित कुष्ठरुग्णाची नोंदवही ५
5. हिवताप कार्यक्रमाची नोंदवही :-
   • ( अ ) हिवताप नमुना -२ ( SF2 ) : या नोंदवहीत आरोग्य कर्मचाऱ्याने घेतलेल्या रक्त नमुन्यांची नोंद घेऊन दिलेल्या औषधोपचाराची नोंद व रक्त नमुना तपासणीचा निकाल नोंदविण्यात येतो .
   • ( ब ) हिवताप नमुना -७ ( MF – 7 ) : या नोंदवहीत हिवतापाच्या रुग्णांची सविस्तर माहिती तसेच समूळ उपचाराविषयी माहिती नोंदविण्यात येते .
6. जन्म – मृत्यू नोंदवही :-
   • कार्यक्षेत्रातील झालेले जन्म व मृत्यूबद्दल माहिती नोंदविली जाते .
7. ग्रामपंचायत निहाय पाणी स्त्रोत नोंदवही :-
   • उपकेंद्र / प्रा.आ.केंद्र अंतर्गत येणाऱ्या पिण्याच्या पाण्याचे स्त्रोतांची नोंदवही .
8. पाणी नमुने तपासणी आणि ओ.टी.टेस्ट :-
   • उपकेंद्र / प्रा आ केंद्र अंतर्गत येणाऱ्या पिण्याच्या पाण्याच्या तपासणी व ओ.टी. टेस्ट नोंदवही .
9. सविस्तर कार्यदर्शिका ( Master File ) :-
   • या नोंदवहीत कार्यक्षेत्रातील आरोग्य कर्मचारी व त्यांच्या कार्याविषयी सविस्तर माहिती नोंदविली जाते .
10. भेट पुस्तिका ( Visit Book ) :-
    • या नोंदवहीत वरिष्ठ अधिकारी , प्राथमिक आरोग्य केंद्र व उपकेंद्राला भेट दिल्यानंतर , कार्याची पाहणी करुन त्याबद्दल नोंद घेतात .
11. संदर्भ सेवेची नोंदवही ( Referral Book ) :-
    • या नोंदवहीत संदर्भ सेवा दिलेल्या रुग्णांची नोंद असते . आरोग्य कर्मचारी ( स्त्री व पुरुष ) यांनी आपल्या कामाची दररोज दैनंदिनीत नोंद घेऊन त्यावरून त्यांनी आपली दर महिन्याला दौरावही सादर करावी.